حبيــبة عمرى هل تعلميــن ؟؟؟ (ارجوا المشاركة)

good friend عدد الرسائل : 41 تاريخ التسجيل : 11/05/2007

حبيبتى هل تعلمين

انى احبك فوق ما تتخيلين
انى عاشقك لابد الابدين

حبيبتى هل تعلمين

انى رحلت لانى احبك
ولو كنت لا احبك لبقيت
وتركت حبك يزداد ثم رحلت

حبيبتى هل تعلمين

نار البعد تكوينى وجنة القرب تنجينى
ونار البعد تنجيكى وجنة القرب حتما ستكويكى

حبيبتى هل تعلمين

تبحثين عن سعادة مؤقته وتنسين الالم الدائم
وانا ابغ لك سعادة دائمة ويعز على المك مؤقت

نعم انه نصيب وقدر

فقط انظرى معى

هذا الحب الوليد يكويكى
فماذا لو بقيت
وتربى الحب فى حضن السنين
ثم جاء وقت الرحيل
اكنتى ستتحملين؟

حبيبتى انتى تعلمين

هذا الحب حتما نهايتة الرحيل
لماذا اذا تصرين على ان ابقى وازيدك الما

حبيبتى انا اعلم

انك الان تتالمين
ويعز على المك ويذبحنى ويقتلنى
لكنه الم بالنسبة للو بقيت ثم بعد سنة رحلت يسير

حبيبتى نحن نعلم

ان دعوتنا لنكون اخوة ما هى الا اكذوبة كبرى
نوهم انفسنا ونلبس قناع الاصدقاء والحب بداخلنا دفين ينمو وينمو

حبيبتى

ارجوكى سامحينى
وانسينىاو اجعلينى ذكرى جميله وابداى حياة جديده
فوالله خالقنى ما ابغ لك سوى السعادة
ولو انها ببقائى ما رحلت

=================

مشكلة قد تصادف اى شخص منا

حينما تولد قصة حب بينك وبين اجمل مخلوق
ثم تكتشفون ان نهايتها حتما لن تكون النهاية الطبيعيه وهو الزواج والتجمع فى بيت واحد
وتتاكدون ان الرحيل قادم قادم والفراق حتما

ماذا يكون تصرفك وقتها

هل ترحل وتترك من احببت يتالم الم بسيط بالمقرانه للو بقيت هل ترحل ولا تضيع عليه سنين عمرة تتركة يبدأ حياة جديده ويبحث عن حب اخر

ام

تبقى بجوارة وتترك هذا الحب الوليد يزداد ويزداد ثم حتما يجىء وقت الرحيل ووقتها تكون ضيعت عليه سنينه واذداد حبه لك وبالتالى تزيد معاناته وقد تكون فوت عليه عمرة

وهل تقبل الدعوة لتكونوا اصدقاء اذا دعيت اليها عوضا عن الرحيل مع تاكدك التام انها ستكون قناع للحب لانه لايمكن للحب هذا ان يتحول لصداقه

اولا شكرا يا احمد على الموضوع الجميل دا
واحب ارد على سؤالك وانا عارف انك هتقول عليا مجنون
بص يا سيدى انا بحب الحب ومش بحب اى حاجه تانية
بحب الحب بتضحياتة وبانك تعيش مع اللى بتحبة وهو مبيحبكش
تصاحب حد بتحبة وهو بيعتبرك اخوه
بجد انا مبحبش غير الحب
ولو جاوبت عليك واختارت اختيار من الاتنين ابقى بكدب عليك
انا ساعتها معرفش اية اللى هيحصل
واكيد هسيبنى مع اللى يحصل يعنى مش هرتب انا هعمل اية
يعنى ممكن اكمل وابقى مستمتع انى موجود مع حبيبى
وممكن اضحى وابعد وابقى مستمتع بالعذاب اللى انا فية

من الاخر يا احمد انا مش هعرف ارد على السؤال

لكن الموضوع اكثر من رائع

good friend عدد الرسائل : 41 تاريخ التسجيل : 11/05/2007

koko1148 كتب:: اولا شكرا يا احمد على الموضوع الجميل دا
واحب ارد على سؤالك وانا عارف انك هتقول عليا مجنون
بص يا سيدى انا بحب الحب ومش بحب اى حاجه تانية
بحب الحب بتضحياتة وبانك تعيش مع اللى بتحبة وهو مبيحبكش
تصاحب حد بتحبة وهو بيعتبرك اخوه
بجد انا مبحبش غير الحب
ولو جاوبت عليك واختارت اختيار من الاتنين ابقى بكدب عليك
انا ساعتها معرفش اية اللى هيحصل
واكيد هسيبنى مع اللى يحصل يعنى مش هرتب انا هعمل اية
يعنى ممكن اكمل وابقى مستمتع انى موجود مع حبيبى
وممكن اضحى وابعد وابقى مستمتع بالعذاب اللى انا فية

من الاخر يا احمد انا مش هعرف ارد على السؤال

لكن الموضوع اكثر من رائع

مهو مش ينفع تقول بحب الحب وتسكت

ماشى انت دلوقتى حبيت

وحصلك الموقف ده وبقيت فى اختيار

حدد هتعمل ايه

ولازم هتختار مهو مفيش حل تالت

الموضوع ممتاز يا احمد

انا بالنسبالى لو لقيت ان الفراق مصير العلاقه دى مهما عملنا
افضل انى اسبها فى اول الطريق عشان متتعلقش بيا

good friend عدد الرسائل : 41 تاريخ التسجيل : 11/05/2007

™Amrmafia كتب:: الموضوع ممتاز يا احمد

انا بالنسبالى لو لقيت ان الفراق مصير العلاقه دى مهما عملنا
افضل انى اسبها فى اول الطريق عشان متتعلقش بيا

شكرا ياعمرو على ردك ووجهة نظرك ومستنى باقى الردود

المشاعر يا احمد امر يصعب التحكم فيه , فانت لا تقرر متي تحب ومتي تكره ومتي ننالم , لكن ان كان هذا حب مستحيل و كنت تقدر ان تبتعد فابتعد , لكن عليك ان تفسر لها سبب ابتعادك حتي لاتتسبب في جرحها باكثر مما كمت تخشاه عندما قررت الرحيل حبيــبة عمرى هل تعلميــن ؟؟؟ (ارجوا المشاركة) Herz

حبيــبة عمرى هل تعلميــن ؟؟؟ (ارجوا المشاركة) Herz

وبالنسبة للصداقة يقال ان الصداقة يمكن ان تتحول الي حب ولكن صعب جدا ان يتحول الحب ال صداقة

تحياتي احمد

good friend عدد الرسائل : 41 تاريخ التسجيل : 11/05/2007

اقتباس :

mohamed1980244

اسف يامحمد بس الرد مش واضح غير فى جزئية الاصدقاء

وانا من رايك ان الصداقه ممكن تتحول لحب لكن الحب عمرة ميتحول لصداقه

فى باقى الرد انا مفهمتش غير موضوع ان المفروض ان الواحد يفهم الطرف الاخر

بس عاوز اعرف برضه المشكله دى لو واجهتك لانى شفتها بتحصل لناس قدامى مرتين وده اللى خلانى اطرح المشكله ياترى هتختار ايه ؟؟؟

Admin عدد الرسائل : 74 تاريخ التسجيل : 09/05/2007

أولا بشكرك على طرح تلك القضية ..
ثانيا : كل اللي أقدر أقوله إننا لا نملك في أنفسنا شيء
ثالثا : لو حصلي الموقف ده .. هيكون ده إحساسي

كل ليل يا حبيبي بيعدي قمره وينادينا بسأله .. مخبي إيه بكرة لينا
دمعة جارحة ولا فرحة ؟ والفراق مكتوب علينا
يا حبيبي نفسي أقولك عاللي بيا بس خايف يجي يوم وتلوم عليا
ليه قابلتك ليه .. ليه ؟ ذنب قلبي إيه ..
حتى إنت يا حبيبي .. خايف أقولك يا حبيبي
كنت بخاف م الشوق وعذابه وطول لياليه .. كنت بقوله يا قلبي الحب داريه
وإتقابلنا والليالي طمنتنا في حضنها .. وأه يا خوفي يا حبيبي م الليالي وغدرها
حبك قدري ومستنيه مهما يكون مكتوب لنا إيه ..
دمعة جارحة ولا فرحة والفراق مكتوب علينا
يا حبيبي نفسي أقولك عاللي بيا بس خايف يجي يوم وتلوم عليا
ليه قابلتك ليه .. ذنب قلبك إيه ..
حتى إنت يا حبيبي خايف أقولك يا حبيبي .. Crying or Very sad

good friend عدد الرسائل : 41 تاريخ التسجيل : 11/05/2007

اقتباس :: mony

بشكرك مونى على المشاركه

وطبعا لو حصلك الموقف ده وكان ده احساسك فهو احساس مؤلم لازم تتخلصى منه بالنسيان

good friend عدد الرسائل : 49 تاريخ التسجيل : 18/05/2007

السلام عليكم
موضوع مهم وصعب جدا
انا لو حصل معايا الموقف ده أفضل إني ابعد احسن واحنا لسه في البداية طالما النهاية معروفة بدل ما نتعلق ببعض ويزيد الأمر صعوبة أكتر ما هو صعب
أنا عارف ان رأيي صعب بس أحسن ما يزيد الحب بينا وبرضو في الأخر النهاية الفراق يبقى نبعد من الأول احسن
بس طبعا مع ذكر اسباب ابتعادي عشان تفهم انا عملت كده ليه وعشان تفهم موقفي
أما دعوة الصداقة زي ما انت قلت قناع للحب ومش ينفع اتنين بيحبو بعض يبقو أصدقاء (هما كده بيضحكو على نفسهم)

شكرا على هذا الموضوع المهم

Admin عدد الرسائل : 74 تاريخ التسجيل : 09/05/2007

بشكرك مونى على المشاركه

وطبعا لو حصلك الموقف ده وكان ده احساسك فهو احساس مؤلم لازم تتخلصى منه بالنسيان

*********************************/

أولا : حضرتك .. كلنا لازم نحمد ربنا على السراء والضراء .. لكن أنا بتفق في رأي مع محمد مش في حد بإيده يختار إمتى يحب أو أمتى ينسى لو كان كل واحد قادر يختار إنه إمتى يحب وإمتى ينسى مش كان حد تعب في حياته ولا إتألم

ثانيا : أي حد يحصله الموقف ده مش قدامه غير الصبر وبس هو ده اللي المفروض يعمله يصبر وإن الله مع الصابرين .. لكن مش في حد بإيده يحب أو يكره أو ينسى كل شيء بأمر الله وحده .. بس king